ОСОЛ ГЭМТЛЭЭС СЭРГИЙЛЭХ “МИНИЙ ГЭР АЮУЛГҮЙ ОРЧИН” АЯН ЯВАГДАЖ БАЙНА

2018-01-25 13:13, Үзсэн тоо: 338

Дэлхийн эрүүл мэндийн байгууллагын тайлан мэдээгээр нийт өвчлөлийн аравны нэгийг осол гэмтлийн өвчлөл эзэлж жил бүр 5.2 сая гаруй хүн осол гэмтлийн улмаас амь насаа алдаж байгаа бөгөөд 2020 онд осол гэмтлийн улмаас нас барах хүний тоо 8.4 саяд хүрэх магадлалтай байна.

Осол гэмтлээс шалтгаалсан нас баралтыг эндэх ёсгүй эндэгдэл буюу урьдчилан сэргийлэх бүрэн боломжтой эндэгдэл хэмээн үздэг.

Монгол улсад нийт осол гэмтлийн 86.6 хувийг санамсаргүй осол гэмтэл эзэлдэг. Сүүлийн 5 жилд осол гэмтлийн дараах шалтгаанууд тэргүүлж байна. Гэмтлийн гол шалтгаан болох унаж гэмтэх гэмтэлнь бүх насны бүлгийн хүмүүсийн гэмтэж бэртэх шалтгааны 1-рт орж байгаа бол 2-р шалтгаан нь 0-4 насанд түлэгдэлт, 5-19 насанд зам тээврийн осол, 20-39 насанд хүчирхийлэл, 40-44 насанд амьгүй механик хүчинд өртөх осол орж байна.

Гэмтэл согог судлалын үндэсний төвийн 2017 оны тоо мэдээгээр нийт гэмтэгсдийн 31.2% /26615/ нь орон гэртээ осолд өртөж эмнэлгийн тусламж үйлчилгээ авсан бол сүүлийн 5 жилд нас барсан тохиолдлын 34.8% нь буюу 3 хүн тутмын 1 нь гэр орон, ахуйн нөхцөлд осолд өртөж нас баржээ.

Иймд ахуйн ослоос урьдчилан сэргийлэх чиглэлээр хүн амын мэдлэг, хандлагыг өөрчлөн зохистой зан үйлийг төлөвшүүлэх зорилгоор Монгол улсын Засгийн газрын 224 дүгээр тогтоол, "Oсол гэмтлээс сэргийлэх өдрийн хүрээнд 2018 оны 01-р сарын 17-ны өдрөөс 02-р сарын 28-ныг хүртэл "Миний гэр аюулгүй орчин уриатай” ахуйн ослоос сэргийлэх 1 сарын аяныг Эрүүл мэндийн төв, Өрхийн эрүүл мэнд төв, чингэлтэй дүүргийн харьяа сургууль, цэцэрлэгүүд хамтран хэрэгжүүлж байна.

Энэхүү үйл ажиллагааны гол зорилго нь гэр орон, ахуйн нөхцөлд хайхрамж болгоомжгүй байдлаас үүдэх осол гэмтлийг бууруулах, хүн амын мэдлэг, хандлагыг өөрчлөн зохистой зан үйлийг төлөвшүүлж, ахуйн ослоос урьдчилан сэргийлэх зорилготой.

ОСОЛ ГЭМТЛЭЭС СЭРГИЙЛЭХ “МИНИЙ ГЭР АЮУЛГҮЙ ОРЧИН”  АЯН ЯВАГДАЖ БАЙНА
ОСОЛ ГЭМТЛЭЭС СЭРГИЙЛЭХ “МИНИЙ ГЭР АЮУЛГҮЙ ОРЧИН”  АЯН ЯВАГДАЖ БАЙНА

  


Copyrights ©2016.
Вэб хөгжүүлэгч: ЧДЭМТ - ийн МТ алба.